Беларускія вальшчыкі лесу заваявалі тры прызавыя месцы на адкрытым чэмпіянаце лесарубаў Эстоніі.

Анатоль Андрон з ААТ «Плеўшчаніцлес» заняў другое месца ў практыкаванні «Камбінаваная распілоўка».

У групавым практыкаванні «Эстафета» беларуская каманда таксама паказала другі вынік.

Другое ганаровае месца наша каманда заняла і ў неафіцыйным агульнакамандным заліку, саступіўшы толькі дзеючым чэмпіёнам свету - камандзе Фінляндыі.

Усяго ў адкрытым чэмпіянаце лесарубаў Эстоніі прымалі ўдзел 29 вальшчыкаў лесу. Гаспадароў прадстаўлялі дзве каманды лясной школы Лууа і тры каманды ад рэгіёнаў.

У госці да эстонцам прыехалі каманды Беларусі, Латвіі, Літвы і Фінляндыі. Чэмпіянат праходзіў 5-7 чэрвеня ў г. Вільяндзі ў рамках 35-х Міжнародных Ганзейскіх дзён.

Беларусь на гэтых спаборніцтвах прадстаўляла каманда канцэрна «Белляспаперпрам» у складзе Анатоля Андрона з ААТ «Плешчаніцлес», Сяргея Целеша з ААТ «ФанДАК» і Віктара Ганчука з ААТ «Магілёўдрэў».
Трэнер каманды - Мікалай Патоцкі.

Пераможцам чэмпіянату стаў шматразовы прызёр сусветных першынстваў фін Юкка Перамякі.