ААТ «Магілёўдрэў» канцэрна "Белляспаперпрам" прапрацоўвае магчымасць стварэння сумеснага прадпрыемства ў Таджыкістане.

Пра гэта распавёў першы намеснік старшыні Магілёўскага гарвыканкама Аляксандр Пацёмкін, дзелячыся вынікамі візіту магілёўскай дэлегацыі ў Худжанд, паведамляюць «Магілёўскія ведамасці».

У ходзе наведвання Сагдыйскай вобласці, у склад якой уваходзіць другі па велічыні таджыкскі горад, прадстаўнікі кіраўніцтва Магілёва і прамысловых прадпрыемстваў вобласці правялі серыю дзелавых перамоваў у рамках падпісанай дамовы паміж двума гарадамі аб узаемавыгадным супрацоўніцтве, у тым ліку ў сферы эканомікі.

Па іх выніках ААТ «Магілёўдрэў» падпісала пратакол аб намерах з ГА «ДП Фартуна-Ко» групы кампаній «Кедр» па стварэнні сумеснага прадпрыемства па выпуску мэблі на тэрыторыі Худжанд.

ААТ «Магілёўдрэў» створана 29 студзеня 1957 г і ў дадзены момант з'яўляецца адным з вядучых прадпрыемстваў у Рэспубліцы Беларусь па выпуску экалагічна чыстай мэблі і сталярных вырабаў з масіва хвоі і іншых парод драўніны.