Вытворчасць мэблі - самы эканамічна эфектыўны спосаб выкарыстання драўніны. Дададзены кошт на адным кубаметры драўніны пры вытворчасці мэблі можа дасягаць сотняў даляраў.

Канцэрнам «Белляспаперпрам» у цяперашні час рэалізуецца Канцэпцыя развіцця мэблевай вытворчасці на 2015-2020 гады.
Галоўныя яе мэты - удасканаленне тэхналогій вытворчасці мэблі, фарміраванне канкурэнтаздольнага інавацыйнага мэблевага комплексу і нарошчванне экспартнага патэнцыялу галіны.

Прыярытэтамі для развіцця вызначаны - мадэрнізацыя спецыялізаваных мэблевых вытворчасцей, стымуляванне інвестыцыйнай актыўнасці, павышэнне эфектыўнасці навукова-даследчых і доследна-канструктарскіх работ па стварэнні новых мадэляў мэблевай прадукцыі, захаванне і ўмацаванне канкурэнтных пазіцый на традыцыйных рынках і асваенне новых.

Чакаецца, што да 2020 года вытворчасць мэблі ў Беларусі павялічыцца на 50%, экспарт на 20%.

На ўнутраным рынку будзе працягнутая палітыка стрыманага росту коштаў на мэблевую прадукцыю. Больш за траціну ўсёй выпускаемай мэблі ў краіне вырабляюць прадпрыемствы канцэрна "Белляспаперпрам". Прычым, яны спецыялізуюцца ў асноўным на вытворчасці элітнай мэблі з масіва драўніны. У апошні час, дзякуючы стварэнню ўласных плітных вытворчасцей, пачатала набіраць абароты і вытворчасць больш эканамічнай мэблі, але пры гэтым яна не саступае па якасці і дызайне мэблі з масіва драўніны.

Аб якасці беларускай мэблі сведчыць і той факт, што палова вырабленых аб'ёмаў мэблі экспартуецца.
Геаграфія паставак ахоплівае больш за 25 краін. У іх ліку - Італія, Германія, Францыя, Чэхія, Вялікабрытанія, Бельгія, Аўстрыя і іншыя краіны.

З відэасюжэту тэлеканала "Мінск TV":