Базавыя дрэваапрацоўчыя прадпрыемствы канцэрна «Белляспаперпрам» за кошт рэалізацыі комплексу мер па эканоміі выдаткаў знізілі за студзень-верасень сабекошт прадукцыі на 12,9%. Забяспечана эканомія выдаткаў на 278,3 млрд. рублёў.

У выніку праводзімай работы па аптымізацыі выдаткаў сярэднемесячныя значэння аб'ёмных паказчыкаў базавых дрэваапрацоўчых прадпрыемстваў у трэцім квартале істотна выраслі ў параўнанні з сярэднімі значэннямі ў двух папярэдніх кварталах бягучага года.
Сярэднямесячны аб'ём вытворчасці за ліпень-верасень склаў 221,6 млрд. руб. у месяц супраць 172,5 млрд. руб. у першым паўгоддзі (тэмп росту 128,4%). Сярэднямесячная выручка ад рэалізацыі прадукцыі, тавараў, работ, паслуг вырасла з 189,6 млрд. руб. да 239,5 молрд. руб. у месяц (126,3%).

Пры гэтым зніжаны запасы гатовай прадукцыі на 9,9 адсоткавага пункта да сярэднямесячнага аб'ёму выпуску гатовай прадукцыі.
Маецца станоўчая дынаміка росту сярэднямесячнага аб'ёму экспарту. Калі ў першым паўгоддзі базавымі прадпрыемствамі экспартавалася тавараў у сярэднім на 6,3 млн. даляраў ЗША ў месяц, то ўжо ў ліпені-жніўні бягучага года сярэднямесячны аб'ём экспарту склаў 7,3 млн. долараў ЗША (больш на 19%). На знешнія рынкі базавыя прадпрыемствы канцэрна адгружаюць больш за палову сваёй прадукцыі.

Асноўнымі рынкамі збыту з'яўляюцца краіны далёкага замежжа, удзельная вага якіх у адгрузках па кантрактах ГП «Беларуская лясная кампанія» за 8 месяцаў 2015 г. склаў 76,3%.

У лік базавых прадпрыемстваў канцэрна «Белляспаперпрам» уваходзяць адкрытыя акцыянерныя таварыствы «Івацэвічдрэў», «Віцебскдрэў», «Гомельдрэў», «Мастоўдрэў», «Рэчыцадрэў», «Барысаўдрэў», «ФанДАК», «Магілёўдрэў» і рэспубліканскае унітарнае прадпрыемства «Мазырскі ДАК ». Дадзеныя арганізацыі згодна з указам Прэзідэнта Рэспублікі Беларусь рэалізавалі важнейшыя інвестыцыйныя праекты па мадэрнізацыі вытворчасці.

На тэхнічнае перааснашчэнне прадпрыемстваў і стварэнне новых вытворчасцяў, арыентаваных на выпуск інавацыйнай і імпартазамяшчальнай прадукцыі, накіравана больш за 1 млрд. даляраў.

Мадэрнізаваныя прадпрыемствы выпускаюць шырокую лінейку драўняных пліт (ДСП, ДВП, МДФ / ХДФ), фанеру розных марак, падлогавыя ламінаваныя пакрыцця, мэблю, драўляныя хаты, будаўнічыя канструкцыі і шэраг іншай прадукцыі з высокім дабаўленым коштам.

Арганізацыі абсталяваныя высокатэхналагічным абсталяваннем вядучых сусветных вытворцаў, якое забяспечвае высокую якасць выпускаемай прадукцыі і яе канкурэнтаздольнасць па гэтаму важнейшаму паказчыку на знешніх рынках.