Сёння ў рамках кантактна-аперацыйнай біржы Беларускага інвестыцыйнага форуму ў Стамбуле старшыня канцэрна «Белляспаперпрам» Юры Назараў правядзе шэраг дзелавых сустрэч з прадстаўнікамі турэцкіх кампаній па пытаннях гандлёва-эканамічнага супрацоўніцтва.

У прыватнасці, адбудуцца перамовы з старшынёй Турэцкай асацыяцыі мэблевай прамысловасці (MOSDER) Ісмаілам Даанам, падчас якіх запланавана абмеркаванне пытанняў стварэння турэцка-беларускага мэблевага кластара і шэрагу іншых інвестыцыйных прапаноў.

Таксама Юрый Назараў сустрэніцца з прадстаўнікамі кампаніі Kayplas Plastik Mobilya, якая ў Турцыі з'яўляецца вядучым вытворцам мэблевай фурнітуры і аксесуараў. Плануецца абмеркаванне інвестыцыйнага праекта па стварэнні на тэрыторыі Беларусі вытворчасці турэцкай фурнітуры для айчынных мэблевых прадпрыемстваў.

Адбудзецца таксама сустрэча з Ганаровым консулам Рэспублікі Беларусь у г. Бурса, уладальнікам кампаній Luca Tekstil і Badex tekstil Айбарам Улуджа. Яго кампаніі з'яўляюцца ў Турцыі вядучымі вытворцамі і пастаўшчыкамі мэблевых тканін.
Дарэчы, турэцкія кампаніі з'яўляюцца асноўнымі пастаўшчыкамі тканін для мэблевых прадпрыемстваў канцэрна (70% ад агульнага аб'ёму паставак).

У ходзе перамоў будуць абмеркаваны пытанні пашырэння супрацоўніцтва ў гэтым напрамку.

Яшчэ адна важная сустрэча - з старшынёй савета дырэктараў турэцкай групы кампаній Rey-Per Парвізам Гуліевым, які ўжо выказаў зацікаўленасць у пастаўцы ў Турцыю газетнай паперы беларускай вытворчасці.

Кампанія штогод гатова закупляць да 3 тысяч тон прадукцыі РУП «Завод газетнай паперы». Акрамя таго, кампанія выказала цікавасць да паперы для шпалер вытворчасці Добрушскай папяровай фабрыкі «Герой працы» і паперы-асновы для туалетнай паперы з цэлюлозы вытворчасці ААТ «Папяровая фабрыка «Спартак».

Плануецца, што ў ходзе сустрэчы будуць дасягнуты дамоўленасці аб аб'ёмах і ўмовах пастаўкі прадукцыі.