Завершаны 2019 год. Якім ён быў для арганізацый канцэрна "Белляспаперпрам"? Галоўныя вынікі яшчэ будуць падведзеныя і адаб'юцца ў лічбах, а пакуль проста ўспомнім якімі падзеямі быў насычаны 2019 год і чым ён запомніцца для работнікаў галіны.

15 студзеня. Упершыню адзіны стэнд з беларускай мэбляй быў прадстаўлены на Міжнароднай мэблевай выставе IMM Cologne ў Кёльне (+відэа).

22 студзеня. Усе прадпрыемствы вярнуліся з Міжнароднай мэблевай выставы IMM Cologne з рэальнымі дамоўленасцямі і кантрактамі на пастаўку прадукцыі.

28 студзеня. ААТ "Папяровая фабрыка" Спартак " адзначыла 120-гадовы юбілей.

26 лютага. Работнікі арганізацый канцэрна ўзнагароджаны дзяржаўнымі ўзнагародамі.

12 сакавіка. Прадукцыя дрэваапрацоўчых прадпрыемстваў Беларусі прадстаўлена на Міжнароднай мэблевай выставе ў Польшчы.

28 сакавіка. Адбыўся вялікі прэс-тур журналістаў на завод сульфатнай беленай цэлюлозы Светлагорскага ЦКК.

2 красавіка. Філіял "Домабудаванне" РУП "Завод газетнай паперы" (Шклоў) вырабіў і адгрузіў нямецкай кампаніі "Грынвуд Індустры" пілотны дом у спалучэнні каркасна-сценавых панэляў і панэляў перакрыцця з клеенага бруса.

4 красавіка. Беларуская мэбля прадстаўлена на Міжнароднай мэблевай выставе ў Краснадары.

5 красавіка. У Мінску адбылося адкрыццё новага будынка Вярхоўнага суда Рэспублікі Беларусь. Усе інтэр'еры новага будынка ўкамплектаваны мэбляй прадпрыемстваў канцэрна «Белляспаперпрам».

9 красавіка. У склад канцэрна ўключаны новыя прадпрыемствы.

10 красавіка. Калектыву ААТ "Папяровая фабрыка "Спартак" прысуджана прэмія Федэрацыі прафсаюзаў Беларусі 2019 года ў галіне працы.

11 красавіка. Журналісты рэспубліканскіх СМІ азнаёміліся з патэнцыялам беларускіх прадпрыемстваў цэлюлозна-папяровай прамысловасці па выпуску імпартазамяшчальнай упаковачнай прадукцыі з экалагічных матэрыялаў (паперы і кардона).

16 красавіка. Прадпрыемствы канцэрна «Белляспаперпрам» прынялі ўдзел у дабрачынным праекце – аказанні гуманітарнай дапамогі пацярпелым ад моцнага цыклона Мазамбіку і Зімбабвэ.

29 красавіка. Работнікі прадпрыемстваў канцэрна "Белляспаперпрам" прадстаўлены да дзяржаўнай узнагароды.

13 чэрвеня. Першыя модульныя ўзоры драўляных дамоў вытворчасці філіяла "Домабудаванне" Завода газетнай паперы (г. Шклоў) пастаўлены ў Германію.

18 чэрвеня. Канцэрн "Белляспаперпрам" прадставіў беларускую цэлюлозна-папяровую прадукцыю на міжнароднай выставе ў Маскве.

2 ліпеня. Канцэрн "Белляспаперпрам" прыняў удзел у акцыі "Беларусь памятае. Памятаем кожнага".

16 ліпеня. ААТ "Івацэвічдрэў" увяло ў практыку правядзенне экскурсій на вытворчасць ДСП і ЛДСП. Першымі экскурсійнымі групамі сталі дылеры і партнёры.

26 ліпеня. Урад Беларусі пачаў разгляд фінансавых стымулаў для паскоранага пераходу на папяровую ўпакоўку.

2 жніўня. Адбыўся I-ы Рэспубліканскі турыстычны злёт сярод арганізацый канцэрна "Белляспаперпрам", прысвечаны 75-годдзю вызвалення Беларусі ад нямецка-фашысцкіх захопнікаў (+фота і вынікі).

2 верасня. З пачаткам новага навучальнага года і Днём ведаў вучняў ДУА "Бабруйская дзяржаўная спецыяльная агульнаадукацыйная школа-інтэрнат для дзяцей з парушэннем слыху"  павіншаваў канцэрн "Белляспаперпрам".

9 верасня. Дэлегацыя канцэрна прыняла ўдзел у беларуска-польскім эканамічным форуме ў Польшчы (+відэа).

15 верасня. Каманда канцэрна прыняла ўдзел у Мінскім паўмарафоне.

16 верасня. ААТ "Слоніммэбля" адзначыла 80-гадовы юбілей. Працоўнаму калектыву аб'яўлена падзяка Прэм'ер-міністра Рэспублікі Беларусь.

17 верасня. Напярэдадні прафесійнага свята - Дня работнікаў лесу ў сістэме канцэрна "Белляспаперпрам" ушаноўваюць лепшых працаўнікоў і перадавікоў вытворчасці.

18 верасня. Дэлегацыя канцэрна прыняла ўдзел у беларуска-славацкім эканамічным форуме.

26 верасня. Лепшым работнікам галіны ўручаны ўрадавыя ўзнагароды.

2 кастрычніка. Філіял "Домабудаванне" РУП "Завод газетнай паперы "(г. Шклоў) ажыццявіў першую пастаўку камплектаў каркасна-шчытавых дамоў у Японію.

7 кастрычніка. ААТ "Лесахімік" адзначыла 90-годдзе са дня заснавання.

16 кастрычніка. У Мінску адкрылася Міжнародная спецыялізаваная выстава-кірмаш "Мэбля-2019".

17 кастрычніка. Абвешчаныя лепшае мэблевае прадпрыемства і лепшая мэбля Беларусі 2019 года.

31 кастрычніка. Завод сульфатнай беленай цэлюлозы ААТ "Светлагорскі ЦКК" выйшаў на стабільную працу.

7 лістапада. На 2-й Кітайскай міжнароднай выставе імпартных тавараў і паслуг, якая праходзіць у гэтыя дні ў Шанхаі, ААТ "Светлагорскі ЦКК" падпісана два мемарандумы на пастаўку 24 тыс.тон сульфатнай беленай цэлюлозы ў адрас двух кітайскіх кампаній.

11 лістапада. ААТ "ФанДАК" адзначыла 90-годдзе са дня заснавання.

12 лістапада. Два прадпрыемствы канцэрна "Белляспаперпрам" сталі пераможцамі V штогадовага конкурсу "Працадаўца года-2019".

18 лістапада. Апошнія навінкі мэблевай вытворчасці прадпрыемстваў канцэрна "Белляспаперпрам" прадстаўлены на міжнароднай выставе "Мэбля-2019".

19 лістапада. Экспартны патэнцыял беларускіх вытворцаў мэблі прадстаўлены на Міжнароднай мэблевай канферэнцыі "Быць у бізнэсе" ў Маскве.

27 лістапада. Прэм'ер-міністр Беларусі Сяргей Румас уручыў дзяржаўныя ўзнагароды лепшым прадстаўнікам працоўных калектываў краіны. У іх ліку і работнікі арганізацый канцэрна "Белляспаперпрам".

28 лістапада. Дырэктар ААТ "Слоніммэбля" Уладзімір Маркушэўскі стаў лаўрэатам прэміі "Кіраўнік года-2019. Эліта нацыянальнай эканомікі".

6 снежня. Вытворчы і экспартны патэнцыял беларускай цэлюлозна-папяровай прамысловасці быў прадстаўлены на міжнароднай канферэнцыі ў Аўстрыі.

7 снежня. ЗАТ "Холдынгавая кампанія "Пінскдрэў" зноў ўдастоена гран-пры Прэміі спажывецкага прызнання «Народная Марка».

У лік пераможцаў і прызёраў прэміі спажывецкага прызнання "Народная Марка" ўвайшлі прадпрыемствы канцэрна.

11 снежня. Канцэрн "Белляспаперпрам" прыняў удзел у XI Форуме польскіх інвестараў.

13 снежня. Канцэрн "Белляспаперпрам" і ўнітарнае прадпрыемства «Мінскхлебпрам» падпісалі праграму узаемадзеянняў на 2020 год па выпуску і асваенні ў вытворчасці папяровай упакоўкі для фасоўкі хлебабулачных вырабаў.

17 снежня. Пытанні рэалізацыі найважнейшых інвестыцыйных праектаў у цэлюлозна-папяровай вытворчасці разгледжаны на нарадзе ў Прэзідэнта Беларусі Аляксандра Лукашэнкі.

18 снежня. Добрушская папяровая фабрыка "Герой працы" холдынгу "Беларускія шпалеры" атрымала міжнародны сертыфікат FSC.

19 снежня. Мемарандум аб сумесных дзеяннях па прадухіленні выпадкаў дзіцячага траўматызму ў выніку выпадзення з вокнаў быў падпісаны ў Мінску.

20 снежня. У рамках рэспубліканскай акцыі "Нашы дзеці" Канцэрн "Белляспаперпрам" уручыў падарункі навучэнцам ДУА "Бабруйская дзяржаўная спецыяльная агульнаадукацыйная школа-інтэрнат для дзяцей з парушэннем слыху" і павіншаваў іх з надыходзячымі святамі.

27 снежня. Напярэдадні навагодніх святаў прадпрыемствы канцэрна актыўна ўключыліся ў дабрачынныя акцыі, якія праходзяць ва ўсіх рэгіёнах рэспублікі.

Прэс-служба канцэрна "Белляспаперпрам"